9

وزیراعظم عمران خان کا مستحق افراد کے لئے ایک اور منصوب

اسلام آباد : وزیراعظم عمران خان 31 جنوری کو ‘احساس کفالت پروگرام’ کا آغاز کریں گے، پروگرام کےتحت بیوہ خواتین سمیت نادارافرادکی مالی امداددی جائے گی اور  انتہائی مستحق افرادکو2ہزارروپےماہانہ رقم دی جائےگی۔

تفصیلات کے مطابق وزیراعظم عمران خان کا مستحق افراد کے لئے ایک اور منصوبہ سامنے آگیا ، وزیراعظم 31 جنوری کو احساس کفالت پروگرام کا آغاز کریں گے، کفالت پروگرام سےبیوہ خواتین سمیت نادارافرادکی مالی امداددی جائے گی۔

غربت کی لکیرسےنیچے زندگی گزارنے والوں کیلئے امدادی پیکج کی تیاریاں مکمل کر لی گئیں ہیں ، وفاقی وزیرمواصلات مرادسعیداور ڈاکٹرثانیہ نشتر نے پروگرام کی تیاریوں کا جائزہ لیا ، کفالت پروگرام سے5 لاکھ افرادمستفید ہوں گے، مستحق افرادتک احساس کفالت کارڈکی ترسیل پاکستان پوسٹ کےذریعےہو گی۔

وفاقی وزیرمواصلات مرادسعید نے کہا کارڈکےاجراسےامدادکی وصولی تک مکمل نظام شفافیت پرمبنی ہوگا، وزیراعظم کااحساس پروگرام عوامی فلاح کاسب سےبڑامنصوبہ ہے، اس سےپہلےعمران خان نےہزاروں بےگھروں کوریاست کامہمان بنایا۔

مرادسعید کا کہنا تھا کہ وزیراعظم نےلنگرخانےکاآغازکیاتا کہ کوئی بھوکا نہ سوئے ، احساس کفالت کےتحت بھی لاکھوں لوگ فائدہ اٹھائیں گے۔

اس خبر پر اپنی رائے کا اظہار کریں

اپنا تبصرہ بھیجیں